രാമന്‍ വന്നു, കൃഷ്ണന്‍ വന്നു , നബി വന്നു, യേശു വന്നു...
ഇവരുടെ അവതരങ്ങളും ഒരുപാട് വന്നു... ഇനി ആരാണ് വരേണ്ടതെന്ന ചോദ്യം എന്നോട് ആണ് ചോദിക്കുന്നതെങ്കില്‍ ഞാന്‍ നിസ്സംശയം പറയും ഡിങ്കന്‍..... ഇനി അദ്ദേഹത്തിന്റെ വീണ്ടുമുള്ള ഒരു അവതാരത്തിനായി ലോകം കാത്തിരിക്കുന്നു....
കാരണം ഡിങ്കന്‍ ജീവിച്ചിരുന്ന കാലത്തേ പ്രശ്നങ്ങള്‍ക്കെല്ലാം ഒരു കുറവ് അനുഭവപ്പെട്ടിരിന്നുള്ളൂ... ഡിങ്കന്‍ ഉണ്ടായിരുന്നപ്പോള്‍ ഭൂമിയില്‍ ധര്‍മ്മം നിലനിന്നിരിന്നു..
ഡിങ്കന്‍ ജീവിച്ചിരുന്ന സമയത്ത് ഒരു പാട് കിഡ്നാപ്പിംഗ് കേസുകള്‍ നടക്കുമായിരുന്നു. അദ്ദേഹം ഏകദേശം എല്ലാ കൂട്ടികളേയും രക്ഷിച്ചിട്ടുമുണ്ട്. ഞാനിത് വെറുതേ പറയുന്നതല്ല. കൃത്യമായ തെളിവുകള്‍ ഉണ്ട്. സംശയമുള്ളവര്‍ക്ക് ഡിങ്കന്റെ വേദഗ്രന്ഥമായ ബാലമംഗളം 1995-1998 വരെ ഉള്ളത് പരിശോധിക്കാം.
ബൈബിളില്‍ ഒരു രക്ഷകന്‍ വരുന്നതിനെ കുറിച്ച് പഴയ നിയമത്തില്‍ പറയുന്നുണ്ട് അതാണ് യേശു..മറ്റു പല ഇതിഹാസങ്ങളിലും ഇങ്ങനെ പ്രവച്ചനമുണ്ടായിട്ടുണ്ട്.
അങ്ങനെ പണ്ട് പ്രവച്ചിച്ച് ഇപ്പോ അവതരിച്ചവരാണ് രാമന്‍,കൃഷ്ണന്‍ അങ്ങനെ ഒരു പാട് ദൈവങ്ങള്‍...
ഈ തെളിവുകള്‍ വെച്ച് ആണ് മൌലികവാദങ്ങള്‍ ഉണ്ടാ‍കുന്നത്..
ഡിങ്കന്റെ ശിഷ്യന്മാരായ ഞങ്ങള്‍ക്കുമുണ്ട് ഇത് പോലെ പറയാന്‍ പ്രവചനത്തിന്റെ കരുത്ത്..
ബാലമംഗളം പഴയനിയമം 21990-ല് തന്നെ “ഒരു രക്ഷകന്‍ വരുന്നു പാവങ്ങളെ രക്ഷിക്കാന്‍“ എന്ന് അദ്ദേഹത്തിന്റെ വേദഗ്രന്ഥത്തിന്റെ പഴയ ലക്കങ്ങളില്‍ പറയുന്നുണ്ട്. കൃത്യം 30000 വര്‍ഷം കഴിഞ്ഞപ്പോ ഡിങ്കന്‍ വന്നു.
പ്രത്യയശാസ്ത്രനിബദ്ധമായത് നില നില്‍ക്കില്ലെന്ന് അദ്ദേഹം പണ്ടേ പറഞ്ഞിരുന്നു...
പിന്നെ അദ്ദേഹം പറഞ്ഞു.. “ രാഷ്ട്രീയക്കാരന്‍ പ്രത്യയശാസ്ത്രങ്ങളിലും
മതപണ്ഡിതന്മാര്‍ വേദങ്ങളില് നിന്നും തെറ്റും ശരിയും വേര്‍തിരിക്കും...“
ഈ അവസ്ഥ ഞങ്ങള്‍ ഇഷ്ടപ്പെടുന്നില്ല.
(ബാലമംഗളം-ജൂണ്‍-15 പേജ്-30).
ഇന്‍ഡ്യയുടെ ഭാവി ഇസ്ലാമിലൂടെ,ഹിന്ദുത്വത്തതി
അദ്ദേഹത്തെ കുറിച്ച് പല അപവാദങ്ങളും
കപീഷില്‍ വിശ്വസിക്കുന്നവര്‍ പറയുന്നുണ്ട്. ഒരു കല്യാണത്തിന് 10 ആണുങ്ങളുടെ കൂടെ നിന്നതില്‍ ഒരു ആണിനെ പെണ്ണാക്കി
ഫോട്ടൊഷോപ്പില്‍ എഡിറ്റ് ചെയ്ത് അദ്ദേഹം കല്യാണം കഴിച്ചതായി
പറഞ്ഞ് പരത്തുന്നുണ്ട്. പിന്നെ ചില ചിരട്ടകള്‍ ഡിങ്കന്റെ പുസ്തകം,ഡിങ്കന്റെ പുസ്തകം, എന്ന് പറഞ്ഞ് കളിയാകാരുണ്ട്... ഡാ..രാമായണത്തെ നീയൊക്കെ രാമന്‍റെ പുസ്തകം,ഖുറാനെ നബീടെ പുസ്തകം അത് പോലെ ബൈബിള്‍ യേശുവിന്‍റെ പുസ്തകം എന്ന് പറയാറുണ്ടോ? പിന്നെ അദ്ദേഹത്തെ അവഹേളിക്കുന്ന കാര്‍ട്ടൂണുകള്‍ ...അങ്ങനെ..അങ്ങനെ....
ഞങ്ങള്‍ സഹിഷ്ണുത പുലര്‍ത്തുന്നത് കൊണ്ട് പ്രതികരിക്കുന്നില്ല.
പിന്നെ കപീഷിന്റെ ആരാധകരോട്... കപീഷ് എത്രയോ ലക്ഷം ആള്‍ക്കാരേ വാല്‍ കൊണ്ട് അടിച്ച്കൊന്നിരിക്കുന്നു കൊന്ന ആള്‍ക്കാരുടെ ലിസ്റ്റില്‍ പുറത്ത് വന്നിരിക്കുന്നത് 15 ലക്ഷമേയുള്ളു..
അത് അദ്ദേഹത്തില്‍ വിശ്വസിക്കുന്ന മായാവതി കമ്മീഷന്‍ അന്വേക്ഷിച്ചത് കാരണം.. സത്യം എന്താണെന്നത് നമുക്കറിയാം.1.50 കോടി ജനങ്ങളെങ്കിലും മരണപ്പെട്ടിട്ടുണ്ട്...അദ്ദേഹം പറയുന്നത് അനുസരിക്കാത്തവരെ എല്ലാം വാല്‍ കൊണ്ട് അടിച്ച് കൊന്നു....... കപീഷിന്റെ സിദ്ധാന്തം കാലഹരണപ്പെട്ടു എന്ന്തിന് തെളിവ് ആണ് കപീഷിന്റെ സിദ്ധാന്തങ്ങള്‍ പരീക്ഷിച്ച നാട് അധപതിച്ചത്. സിഗ്മണ്ട് ഫ്രോയ്ഡ് പല തവണ പറഞ്ഞിട്ടുണ്ട് കപീഷിന്റെ ഈഗോയെ പറ്റി... (ഫ്രോയ്ഡിന്റെ കപീഷും ഈഗോയും എന്ന കവിത നോക്കുക )
ഡിങ്കന്‍ ജീവിച്ചിരുന്ന സമയത്ത് അക്രമങ്ങള്‍ കുറവായിരുന്നു എന്നത് കൊണ്ടു തന്നെ അവതരമാകാന്‍ ഒരു ചാന്‍സും ഇല്ല . കാരണം ധര്‍മ്മം നശിക്കുമ്പോള്‍ അവതാരങ്ങള്‍ പിറവിയെടുക്കുന്നു എന്ന് പറയുന്നവരുണ്ട്...അദ്ദേഹത്തിന് വേണമെങ്കില്‍ ദൈവത്തോട് അക്രമങ്ങളും,കഷ്ടപാടുകളും ഉണ്ടാക്കാന്‍ പറഞ്ഞിട്ട് അതെല്ലാം ഇല്ലാതാക്കാന്‍ ശ്രമിക്കാമായിരുന്നു. പക്ഷേ അത് അദ്ദേഹം ഇഷ്ടപ്പെട്ടിരുന്നില്ല.....
പാസ്സ്പോര്‍ട്ട് സൈസ് ഫോട്ടോ,തിരിച്ചറിയല്‍ കാര്‍ഡ്,6 മാസത്തെ ബാങ്ക് സ്റ്റേറ്റ്മെന്‍റ് തുടങ്ങി ഞങ്ങളുടെ അവതാരമായ ഡിങ്കന്റെ വീഡിയോ വരെ ഞങ്ങളുടെ സമീപം തെളിവായുണ്ട്. വേറെ ഏതെങ്കിലും ദൈവത്തിന് ഇതെല്ലാം അവകാശപ്പെടാന്‍ കഴിയുമോ?...പിന്നെ ഇതൊന്നും അപ്പ് ലോഡ് ചെയ്ത് വിശ്വാസികളെ ഭ്രാന്ത് പിടിപ്പിക്കേണ്ട എന്ന് കരുതി ആണ് ഞങ്ങളെ പോലുള്ള വിശ്വാസികളതൊന്നും ചെയ്യാത്തത്.പിന്നെ ഡിങ്കനും അതൊന്നും ഇഷ്ടമല്ലല്ലോ!
ഡിങ്കന്റെ ഡിവോട്ടികളായ ഞങ്ങള്‍ ആരോടും ഞങ്ങളുടെ പാത പിന്തുടരാന്‍ പറയാറില്ല. ഞങ്ങള്‍ മതപരിവര്‍ത്തനം നടത്തിയിട്ടില്ല..
കാരണം ഡിങ്കന്‍ ജീവിച്ചിരുന്നപ്പോള്‍ പറഞ്ഞിരുന്നു,എന്റെ വഴി തിരഞ്ഞെടുക്കാന്‍ ആരെയും നിര്‍ബന്ധിക്കേണ്ടതില്ല എന്ന്. Time magazine നടത്തിയ കഴിഞ്ഞ നൂറ്റാണ്ടിലെ താരമായി തിരഞ്ഞെടുത്തവരുടെ
കൂട്ടത്തില്‍ ഡിങ്കനും ഉണ്ടായിരുന്നു..!. രാമന്‍ ,ബുദ്ധന്‍ ,യേശു ,നബി ഇവരൊന്നും ജീവിച്ചിരുന്നില്ലെന്ന് തെളിയിച്ച യുക്തിവാദികളുടെ ദൈവമായ ഇടമറുകിന് പോലും ഡിങ്കന്റെ കാര്യത്തില്‍ മാത്രമാണ് ഒരു തോല്‍വി സംഭവിച്ചിരിക്കുന്നത്. യുക്തിവാദ പ്രസ്ഥാനങ്ങള്‍ പോലും അംഗീകരിക്കുന്ന ഒരേ ഒരവതാരവും ഡിങ്കന്‍ ആണ്...
ഡിങ്കന്റെ പീഡാനുഭവ കാലത്ത് ഡിങ്കനെ എലിക്കെണി വെച്ച് പിടിക്കുകയും വെള്ളത്തില്‍ മുക്കിക്കൊന്നതായും പറയുന്ന ഒരു കഥ പ്രചരിച്ചിരുന്നു...എന്നിട്ട് .3-മത്തെ ദിവസം ഡിങ്കന്‍ അറ്റ്ലാന്‍റിക്ക് ഓഷ്യനില്‍ ഉയിര്‍ത്തെഴുന്നേറ്റതായി വിശ്വസിക്കുന്ന ഒരു കൂട്ടരുണ്ട്.
എന്നാല്‍ അവരും ഞങ്ങളുമായി ഒരു ബന്ധവും ഇല്ലെന്നു പറഞ്ഞു കൊള്ളട്ടെ..ഡിങ്കന്‍ ഒരൊറ്റ കാര്യം മാത്രമേ പ്രചരിപ്പിക്കാനാവശ്യപ്പെട്ടിട്ടുള്ളൂ...
“ ദൈവം സ്നേഹമാണെന്നതും, മനുഷ്യന്റെ നിസ്വാര്‍ഥമായ സേവനങ്ങളിലും പ്രവര്‍ത്തികളിലും അടങ്ങിയിട്ടുള്ളതാണ് ദൈവമെന്നതും”....
ഇന്ന് സമൂഹത്തില്‍ ഒരു പാട് പ്രശ്നങ്ങള്‍ നടക്കുന്നു.എന്ത് കൊണ്ട്?
നാം ഡിങ്കനെ മറന്നിരിക്കുന്നു. “ധര്‍മ്മം നശിക്കുമ്പോള്‍ അവതാരങ്ങള്‍ പിറവിയെടുക്കുന്നു” ..നമുക്ക് പ്രാര്‍ഥിക്കാം ധര്‍മ്മം ക്ഷണത്തില്‍ നശിക്കട്ടെ !
(ഒരു മെയില്‍ ആയി കിട്ടിയത് ... ഇതിന്റെ എഴുതിയത് ആരായാലും അദേഹത്തിനു കടപ്പാട് )
